ఆకాశాన ఆ చంద్రుణ్ణి చూస్తుంటే ..
ఆ తెల్లటి కాంతి నీదిలా అనిపిస్తే ..
నేరం నాది కాదే !!
ఆ దోషం నీదే ..
నా కళ్ళను కమ్ముకున్న నీ అందానిదే !!
 నా చూపుని పూర్తిగా  ఆక్రమించుకున్న నీ సౌందర్యానిదే !!

-మీ లక్ష్మి 

పిచ్చి వాడి చేతికి..
కలం ఇస్తే .. ఏమి చేస్తాడు ??
పిచ్చి రాతలు రాస్తాడు ..
అంతకంటే ఏమి తెలుసు పాపం వాడికి ..
కాని ఆ రాతల్లోన ఏదో గూడార్ధం ఉంటుందేమో  !!
మన మనసులకు అది అందదేమో !!
..
అదే తీరుగా నన్నూ ఓ పిచ్చిదానిగా మీరనుకుంటే ..
నా రాతలు అర్థ రహితమని మీరనుకుంటే ..
అలాగే కానీండి ..
నేను ఏమి అనుకోను ..
మీ మీద తిరగబడను !!

-మీ లక్ష్మి


సరదాగా రాశాను .. శ్రోతలు అర్థం చేసుకుంటారని  నా ఆశ 

నా చేతికున్న గడియారం అంటుంది .. "నీవు వెనకే ఉన్నావు" అని
మరి ఏమి చేయను ?? కాలం అలా పరిగెడుతుంటే ..
నాకైనా అలుపుందేమో కానీ ..
సమయానికి ఆదెక్కడిది ??
ఉరుకు పరుగుల వేగంతో ..
ఆగటం అంటే తెలియక ..
చక చక దూకుతుంటే..
నేనెట్టా ఆ వేగాన్ని అందుకునేది ??
నేనెట్టా ఆ వేగానికి అడ్డుకట్ట వేసేది ??

-మీ లక్ష్మి 

సమయం నిలవదు .. 

ఈ ప్రాణం నిలవదు .. 

ఈ సృష్టి అంతం కాక మానదు .. 

ఇలా అన్నిటికీ ఉంది అంతం .. 

కాని అంతమన్నది లేనిదే ఆ భగవత్స్వరూపం .. 

ఆ రూపమే దాల్చింది "ప్రేమ" రూపం .. 

ఆ ప్రేమకే అంకితం అవుతుంది ప్రతి వారి హృదయం .. 

ఆ దైవమేగా నేర్పింది ప్రేమ సిద్ధాంతం 

అందుకే ప్రేమ కాదా దైవం !!

 

- మీ లక్ష్మి 

నాకో ఆశ ..
మోసం లేని లోకం..
కుట్రలు లేని ప్రపంచం ..
చూడాలని ... చూసి తరించాలని !!
కానీ.. అది  కలలోనే సాధ్యమని ..
మరు నిముషం నా మది చెప్పినంతనే ..
నా కంటి వెంట బాధ కన్నీటిలా ప్రవహించేనే ...
ఇలా బాధపడుతూ ఉండనా ??
లేక లోకం తీరు మార్చడానికి పూనుకోనా ??
అని నన్ను నేనే నిలదీసుకున్నా
అయితే తొడెవరూ లేక ..
ఒంటరినై పోరాటం సాగించలేక ..
ఇక ప్రారబ్ధం ఇదే అని సర్దుకుపోయా !!

-మీ లక్ష్మి 

ఏదో ఆశించి..
ఏదో  కోరి...
చేసేది స్నేహమా ???
నా దృష్టిలో కాదే ..
అది నా మనసుకి తగదే ...
ఇంత కుటిలత్వం నీకు వలదే ...

-మీ లక్ష్మి 

నీవు ఓడావంటే ..
ఓడావని బాధపడు ..
మరొకడు గెలిచాడని కాదు ...
ఎందుకంటే  .. అపుడది బాధ అవదు ..
ఈర్ష్య అవుతుంది ..
నీకది కానరాని శత్రువు అవుతుంది ..
నిను నిలువెల్లా దహించివేస్తుంది

-మీ లక్ష్మి 

డబ్బులే కావాలంటే ఉద్యోగమో, వ్యాపారమో వెలగబెట్టచ్చుగా ..
"కట్నం" అని అవతలి వారిని పీక్కుతినకపోతే ..
ఓహో ..పెళ్ళే పేద్ద యాపారం గదూ..
మర్చేపోయాన్లే !!!

...

ఫేం..
నేం ..
ఈ రెండూ ఉంటేనే ..
మనకి గుండెల్లో కట్టుకుంటారు "ఫ్రేమ్ "
ఏం చేస్తాం ... ఇట్స్ ఆల్ పార్ట్ ఆఫ్ అ గేమ్ tongue emoticon

-మీ లక్ష్మి

అయ్యా! ప్రధాన మంత్రి గారూ ..!!
ఆవేశపడి నోరు జారారు ..
మంట రేపుతోంది అందరిలో మీ తీరు ..
వ్యాఖ్యలు చేసే మునుపే .. మీలో మీరే పరికించుకోరూ ??
.. 
పరాయి ఊరికి వెళ్ళారు ..
అక్కడి నీరు వొంటబట్టించుకున్నారు కాబోలు !!!

-మీ లక్ష్మి

జీవితం మీద ఆశ ..
శ్వాస ఉన్నంత వరకూ చావకూడదు ...
అలా ఆశలు కనుమరుగైతే ..
మనిషి బతకడానికి కారణమేమీ మిగలదు
నిరాశ, నిస్పృహ తప్ప నీ జీవితానికి ఇంకేది తోడుగా ఉండదు !!!

-మీ లక్ష్మి

నీవు నడిచే దారుల్లో
ఒంటరితనం ఎదురైతే ..
నాకు ఈ ఖర్మేమి అనుకోకు ..
ఒంటరితనం కూడా ఒకోసారి బోలెడంత అండనిస్తుంది..
ఆ అండతో నీవు సాధించే విజయం నీతో నిలుస్తుంది..
నీకు కొత్త నేస్తాలనిస్తుంది...
...
అవే మరో లక్ష్యం .. చేరుకోటానికి  ఇంకో కొత్త గమ్యం !!!

-మీ లక్ష్మి 

చిన్ని కృష్ణయ్య అడుగుల్ల సవ్వడి
నీ నవ్వుల్లోన విన్నాలే ..
ఆ నల్లనయ్య మేని నలుపునే  నీ కురులలోన కాంచానులే ..
నీలవర్ణుని లీలలు తలపించగ  ...
నా  మనసు తో ఆడుకున్నావులే..
అయినా కూడా ఓ సుందరాంగి ...
నాకు నీవు నచ్చినావులే ...
నీవే నాకు సరిజోడులే..
నేను ఆరాధించు ఆ కృష్ణుడే వచ్చి ..
మనను ఆశీర్వదిస్తాడులే ... 

నాకు వచ్చిన భాష నీవే ..
నా ఈ భాషలో వర్ణాలన్నీ నీవే ..
పదాలు కూర్చితే వాటి అర్ధం నీవే ..
అవి ఓ పాటల మారెనో !! ఆ గీతానికి భావం నీవే ..
నా జీవితానికి భాష్యం చెప్పిన పద కోశానివి నీవే !!


-మీ లక్ష్మి 

వంశాలు ..
ఇవి రెండు రంగాల్లో సాధారణాలు ..
ఒకటి సినిమా రంగం..
రెండు రాజకీయ రంగం ..
పక్కనెడదాం వ్యాపార రంగం ..
అయితే ..
నా తరువాత "నా కొడుకులు .. మనవళ్ళు అంటూ" ..
ఏమిటయ్యా ఈ వంశ వృక్షాల వీరంగం ??
"వారసత్వ పిచ్చి" తో నిండిపోయింది  వారి అంతరంగం

- మీ లక్ష్మి

ఒంటరితనం ఎంత బాధిస్తుందంటే ...
నీ అడుగుల సడి కూడా బిగ్గరగా వినబడుతుంది ..
నీ గుండె చప్పుడే నిన్ను కలచివేస్తుంది !!!
చివరికి ఆ ఒంటరితనానికి కూడా నీ మీద జాలనేదే లేకుండా పోతుంది !!

-మీ లక్ష్మి 

పిచ్చివాడా ..
నీ లక్ష్యం అంటే ప్రేమ పోయి ..
అమ్మాయి ప్రేమ గుండెల్లోకి చేరే ...
ఆ ప్రేమ నిను ప్రేమించలేదుట ..
మరొకరి పంచన చేరిందిట ..
నీ ఆశలు వెక్కిరించగా..
విగత జీవిగా మిగిలావట ..
ఇక నేర్చుకో మరి పాఠం ..
మరచిపో ఉబలాటం ...
నీకై ఎదురుచూసే నీ తదుపరి గమ్యం ..
అది నీవు మరచిపోయిన  "జీవిత లక్ష్యం "

-మీ లక్ష్మి 

నేను పది అడుగులు వేస్తా ..
నీవు ఒక అడుగైనా వేస్తావా ??
వేయగలవా??
అడుగులేగా ... వేయలేనా ??
అని అంటే పొరపాటే...
అహంకారం తగ్గించుకోవడానికే .. ఆ అడుగులు
ఇక సహకరించేనా నీ పాదాలు ???
నాకు అనుమానమే ...
నీ పాదం కదిలేది అణు మాత్రమే !!

-మీ లక్ష్మి 

చిన్న టీ కప్పుకి ఉన్న విలువ కూడా సాటి మనిషికి ఇవ్వరు..
"ఛి పాడు లోకం" అనుకోకు ... ఏదో ఓ చోట నీకు తెలీకుండా ..
నీవు కూడా అలాగే అయిపోతావు ...
నేను వేరని మొండిగా చెప్పినా సరే ...
నిన్ను నిన్నులా ఉండనివ్వరు ...
లోకం తీరిదే అంటూ ..నిన్ను కూడా  మార్చక మానరు!!


-మీ లక్ష్మి 

శరీరం మట్టిలో ఒకసారే కలిసిపోతుంది ...
కానీ ఈ మనసు బాధను కరిగించే కన్నీటిలోన ఎన్నిసార్లు కలిసిపోయిందో !!
ఎన్ని సార్లు మళ్ళి పైకి తేలడానికి ప్రయత్నించిందో ...
శరీరానికి అందరి సానుభూతి ఉంటుంది ...
కానీ ఈ అనాధ మనసుకు ఓదార్చడానికి దిక్కెవరూ లేరు పాపం !!

-మీ లక్ష్మి 

మనిషికి "అవసరం" ఉండటం సహజం ..
కానీ ..ఇదెక్కడి చిత్రం??
అవసరమే మనిషిని నడిపించటం !!!
చోద్యమేగానీ ఇది అక్షర సత్యం !!!

-మీ లక్ష్మి

నిజాయితీగా ఉండటం "నేరం" అయితే..
ఆ కమ్మటి నేరం చేయటానికి నేను వెనుకాడను .
లేకుంటే అది "క్షమించరాని నేరం" అవుతుంది !!

-మీ లక్ష్మి

కూలీలు గుర్తుంటే ..
వారు కేవలం కూలీలు ఎందుకవుతారు ??
నిర్మాణకర్తలు అవుతారు కానీ !!!
మెదడు గురుతు పెట్టుకోదు ...
హృదయం అసలే చోటివ్వడు ..
పాపం .. కష్టపడుతున్నందుకు  గొప్ప ఫలితమే !!!


-మీ లక్ష్మి 

పెళ్లి అనే బంధనం ..
అదో సాగరమధనం ..
వస్తే విషం ..
లేదా .. అమృతం ..
గమ్మత్తు  ఏంటంటే ...
శివుడిలా గరళాన్ని మింగేవారు లేరెవరూ ..
అమ్రుతానికే దాసులందరూ ...
అదే కావాలందురు ...
కావున ...  ఆ బంధం విషం చిమ్మితే  దాని అంతం ..
సుధలొలికేలా ఉంటే పండుతుంది జీవితం !!!

-మీ లక్ష్మి 

అన్నదాతనే ఓ  మెతుకు వెక్కిరిస్తోంది ..
నేను నీ దరికి రానని ఊరిస్తూ .. వేధిస్తోంది ..
ఏమి చేయగలడు ఆ అసహాయుడు ??
కుటుంబం ఆకలి కేకల సంగతి గురుతొస్తున్నది ..
ఆ కేకల రెక్కలు పట్టుకుని ..
తిరిగిరాని లోకాలకు ఎగిరిపోతున్నాడు..
మీకిక నా వీడుకోలని మనతో చెబుతున్నాడు ..
..
ఎవరొచ్చి ఓదారిస్తే ఏమిలే ??
పోయిన ప్రాణం తిరిగి రాదులే !!!

-మీ లక్ష్మి 

హృదయం మూగదే ..
కానీ అందులో దాగున్న భావన ..
నా పెదవులు పలకకుండా ఉండవే ...
ఆ పలుకులొక పాటై ..
నిన్ను చేర ఆరాటబడేనే ..
నీ చెవులు ఆలకించనంటాయేమో ..
కాస్త నా మొర వినవూ ..
నీ గుండె తలుపులు తెరచి ..నా గానమును అందాకా రానీవు !!

-మీ లక్ష్మి 

నిజం చెప్తే పొగరా ??
దాని రుచి వగరా ??
కాదు కాదు ..
నిజాన్ని నీవు ఒర్వలేవు ..
దాని బరువుని నీవు  మోయలేవు ..
అందుకే .. దోషం నాపై మోపి  చేతులు దులిపేసుకుంటావు !!

-మీ లక్ష్మి 

ఎపుడైపోతుంది??
ఎపుడు ముగుస్తుంది ??
అని ఎదురయే ప్రశ్నలు ..
సమాధానం ఎందుకు చెప్పాలని ...
మనసు పడే అంతర్మధనాలు ... 
ఇవన్నీ అటుంచితే ...

కాస్తాగండి !!
మీకందనంత ఎత్తులో నేనుంటా !!!

-మీ లక్ష్మి

అటేపు సినిమాలు ..
ఇటేపు కిర్కెట్టు మ్యాచులు  ...
మధ్యన పరీక్షలు ..
ఇరుకునబడేరు పాపం స్టూడెంట్లు ...
కనికరించండో ...
దారి చూపించండో !!!


-మీ లక్ష్మి

ప్రేమ పరీక్షలు ...
ఎన్నని పెడతావు ??
నీకు అలుపు రాదూ !!!
అలుపు  నీకెందుకులే ??
అవి రాసేది నేను కదూ  !!!
ఆ రాతల జాడల్లో నా ప్రేమ తిరుగుతోంది ..
నీ గుండె లోతుల్లో చేరాలని ఆశ పడుతోంది ...
ఇకనైనా విముక్తినివ్వవూ !!!

-మీ లక్ష్మి

క్రేజీ కాంబినేషన్ అని అంటుంటారు ... 
నిజమేరోయ్!!!
"మెగా" "మంచు" తుఫాను ముంచుకొస్తోందిట .... 
జాగ్రత్తరోయ్ !!!

-మీ లక్ష్మి

స్వచ్ఛత లో .."స్వ" కారం కూడా మొదలు కాలేదు ..
ఇంక "శ్రీ కారం " ఏం చుడతారు???

వదిలేయండి బాబూ !!!

-మీ లక్ష్మి

రివ్యూలు  చూసి,విని  సినిమాలకు  పోవటం ..
తీరా నచ్చకపోతే..
లేదా రివ్యూ కి విరుద్ధంగా నచ్చితే ..
రివ్యూ ఇచ్చినవారిని  తిట్టటం !!!
ఎందుకండీ ఈ  గోలంతా??
అతని అభిప్రాయం అతనిది  .. మీ అభిప్రాయం మీది  ..
మరి తిట్ల పురాణం దేనికో ??

..
ఇది నా రివ్యూ !!

-మీ లక్ష్మి 

కులం అంటే ఎంత ప్రాణమో !!
బట్టల్లా వొంటి మీద వేసుకుని మరీ తిరుగుతున్నారు ..
పేరు కన్నా మక్కువైంది ఇంటిపేరు ..
మనుషులంతా ఒకటే అనే నీతి తారుమారు !!!

-మీ లక్ష్మి 

పనికొచ్చే మాటలు రావు నోటి వెంట..
ఇతరులను తప్పు పడుతూ , గేలి చేస్తూ ఉండటం సరదా ఏమో !!
వీళ్ళ నోటి దురదేమో గాని .. ఆ దురద అంటు వ్యాధిలా వ్యాపిస్తోంది
ఎవ్వర్నీ వదలట్లా !!!

-మీ లక్ష్మి

ఏ రోజైనా ..
ఎవరి  ఆత్మాభిమానాన్నైనా మీరు ... 
కించపరచాలనుకొంటే ...
మీకు  నేనిచ్చే సలహా ఇదే ..
పని ఏది  లేకుంటే ..  పని కోసం వెతకండి ..
ఇతరుల దుఃఖానికి ... ఆపై కోపానికి దారులు వెతక్కండి  !!!


-మీ లక్ష్మి

నదీ ప్రవాహం సముద్రం వైపు ..
ఒక  బాణం పయనం  దాని లక్ష్యం వైపు ...
ఆ నది నేనే .. ఆ  సముద్రం నీవే !!
ఆ బాణం నేనే ..నా లక్ష్యం నీవే !!!
. ..
.
.
.
ఓ ప్రేమా.. నా  అంతిమ తీరం నీవే !!

-మీ లక్ష్మి 

చరిత్రలో.. 

ఎందరో నిలిచిపోయారు .. 

వారి గురించి చదువుకుంటూ మనం ఉండిపోతామా ???

ఆ మహా సముద్రం లో మనమూ ఓ బిందువు కాలేమా ??

ఆలోచించండి ... మీకంటూ కొత్త చరిత్ర సృష్టించుకోండి !!!

-మీ లక్ష్మి 

నిజానికీ అబద్ధానికీ..
ఏమిటి తేడా  అంటే ...
నిజం ఏనాటికైనా నిలుస్తుంది!!
అబద్ధం ఏదో  ఒక రోజు  కనుమరుగౌతుంది...
నీటి మీద రాత  అబద్ధం .. అలలోస్తే కొట్టుకొనిపోతుంది ..
శాసనం లాంటిది నిజమ్.. అంతం  లేనదై  ఉంటుంది !!

-మీ లక్ష్మి 

నిన్న లోంచి రేపు కి పయనం ఎలా ఆగదో ..
బాధ నుంచి సంతోషం వైపుకి పయనం కూడా ఆగదు ..
ఇదంతా ఓ చక్రంలా తిరుగుతూనే ఉంటుంది మరి !!!

- మీ లక్ష్మి

ఎన్ని భాషల్లో చెప్పినా ..
"అమ్మ" ను  ఏ భాషలో ఎలా  పిలిచినా ...
ఆ బంధానికి నిర్వచనం చెప్పలేము!!
నిర్వచనం చెప్పేంత గోప్పవారము మనం కాము !!!


- మీ లక్ష్మి 

అమ్మలకి ప్రతి రొజూ కృతజ్ఞత చెప్పినా ఆమె ఋణం తీరేది కాదు ..
అలాంటిది ఒక రోజు శుభాకాంక్షలు చెప్తే ఆమె ఋణం తీరునా !!!

-మీ లక్ష్మి

ammalaki prati rojoo krutagnatha knata cheppinaa aame RuNaM teeraedi kaadu ..
alaanTidi oka rOju Subhaakaankshalu chepte aame RuNaM teerunaa !!!

-mee lakshmi

ఉప్పు.. పప్పు..
ఈరోజు వాటి గురించి మాటాడితే తప్పు తప్పు..
ఇక ఆ రుచులు నోటికి తగలాలంటే చేయాలేమో అప్పు ..
మధ్య తరగతి వారు అంత కన్నా ఏమి చేయగలరు చెప్పు ???

-మీ లక్ష్మి

uppu.. pappu..
eerOju vaaTi gurin chi maaTaaDite tappu tappu..
ika aa ruchulu nOTiki tagalaalante cheyaalaemO appu ..
madhya taragati vaaru antha kannaaaemi cheyagalaru cheppu ???

-mee lakshmi

నీకు ఎంత చేసినా ..ప్రతిఫలము ఆశించదు  ..
నీ మంచి తప్ప తనకి వేరేదీ తోచదు ..
నీకై తప్ప ఇంకెవరి కొరకు ఆరాటపడదు ..
తన సుఖము మరచినా తను బాధపడదు ..
నీకే కష్టమొచ్చినా ఆమె గుండె ఒర్చుకోదు .. 
త్యాగమెటువంటిదయినా ఆమె వెనుకాడడు ..
. .
. .
ఎవరో ఆ స్త్రీ ఎరుగుదువా ??
మీ అమ్మ !!!
మమతానురాగాలకు పట్టుకొమ్మ !!!

-మీ లక్ష్మి

స్వాతంత్రం వచ్చి ఎన్నేళ్ళైనా..
ఎన్నాళ్ళైనా..
ఒక మాట వింటూనే ఉన్నాము...
"దేశం ముందుకెళ్లాలి" అని..
అసలు అడుగే పడనిదే..
ఏమి ముందుకెళ్తాం??
ఏమి సాధిస్తాం??
మాటలు చేతలుగా మారవు..
మన దేశమాత కి సరైన భక్తి శ్రద్ధ అందవు!!!

-మీ లక్ష్మి

అమ్మ..
ఈ ఇల్లే నీ ఆఫీసు..
పగలనక..రాత్రనక..
కష్టమనుకోక..
ఇంటిల్లిపాది కోసం..
నువ్వు కన్న మా కోసం..
పని చేస్తూ ఉంటావు..
ప్రతిఫలం ఆశిoచవు..
జీతభత్యాలుండవు..
కానీ..నీ పట్ల మాకు గౌరవ మర్యాదలుంటాయి
మా ప్రేమానురాగాలుంటాయి..!!

-మీ లక్ష్మి!!!

ఓ పాత్ర లో..
నీరు పోస్తే..
ఆ పాత్ర రూపే తీసుకుంటుంది..
అలాగే...
నీవు  ఎలా ప్రవర్తిస్తే..
పర్యవసానం కూడా అలాగే ఉంటుంది!!
మారదు..వేరే విధముగా ఉండదు!!!

-మీ లక్ష్మి

http://lekhini.org/nikhile.html :for transliteration

ముఖాన్ని చూసి మోసపోకు మూర్ఖుడా!!!
హృదయం ప్రధానం..
అందు నీవున్నావో లేదో అది నీకు ముఖ్యం..
ఎన్నాళ్ళుటుంది ముఖ సౌందర్యం???
అది కారాదు నీ స్వచ్చమైన ప్రేమ కి మూలం!!!


-మీ లక్ష్మి


mukhaanni choosi mOsapOku moorkhuDaa!!!
hRudayaM pradhaanaM..
andu neevunnaavO ledO adi neeku mukhyaM..
ennaaLLuTundi mukha saundaryaM???
adi kaaraadu nee svachchamaina prema ki moolaM!!!


-mee lakshmi

(transliteration link: http://lekhini.org/nikhile.html)

రెక్కలుంటే..ఎగిరొస్తాను
అని అంటారు..
ఎగిరి రావక్కరలేదు..
తోడుగా వస్తే చాలు..
ఆపద లో నిలుస్తే చాలు..
అది నడిచొచ్చినా సరే!!!
పరుగిడి వచ్చినా సరే!!!

- మీ లక్ష్మి

rekkaluTae..egirostaanu
ani anTaaru..
egiri raavakkaraledu..
tODugaa vaste chaalu..
aapada lO niluste chaalu..
adi naDichochchinaa sare!!!
parugiDi vachchinaa sare!!!

- mee lakshmi

ఈ దేశం లో గాలి, వెలుతురు తో పాటు..
అవసరం లేకున్నా కొన్ని ఉచితంగా దొరికేస్తున్నాయి....
.
.
సలహాలు!!!

-మీ లక్ష్మి

ee deSaM lO gaali, veluturu tO paaTu..
avasaraM lekunnaa konni uchitaMgaa dorikestunnaayi....
.
.
salahaalu!!!
-mee lakshmi

నాకంటూ ఓ నీడుంటే..
అది నీవే..
నా తోడువి నీవే..
అని నేను మాటల్లో నిను ముంచేయను!!!
ఆ సంకెళ్ళలో నిను బంధించను!!!
చేతల్లోనే నా ప్రేమను చూపించగలను...
నీకు కష్టమంటూ రాకుండా నే చూసుకోగలను!!!


-మీ లక్ష్మి

naakaMToo O neeDuM\nTae..
adi neevae..
naa tODuvi neevae..
ani naenu maaTallO ninu muMchaeyanu!!!
aa saMkeLLalO ninu baMdhiMchanu!!!
chaetallOnae naa praemanu choopiMchagalanu...
neeku kashTamaMToo raakuMDaa nae choosukOgalanu!!!


-mee lakshmi

బస్సులు లేవు...
ఆటో డ్రైవర్ల దోపిడీలు ఆగవు..
ఉన్న వాహనాల్లో కూరుకుపోడాలు..
అలాగే సర్దుకుపోడాలు..
..
పరీక్ష రాసే అమ్మాయిలూ..అబ్బాయిలూ
ఆఫీసులకి వెళ్ళే జీతగాళ్ళు..
మరి మొగవాళ్ళు..ఆడాళ్ళు..
అందరికీ ఉంటాయి గా గమ్యాలు...
తప్పట్లేదు నానా అగచాట్లు..
..
కరగడంలేదు ఆర్టీసీ కార్మికుల గుండెలు..
ఏనాటికి ఆగునో వారి సమ్మెలు??
ఇటు పట్టించుకోవు ప్రభుత్వాలు..
వారికుంటేగా ఈ కష్టాలు!!!
పక్కనెట్టేస్తారు విన్నపాలు!!!
..
మొత్తానికి జనం గుండెల్లో గుబులు..
రవాణా వ్యవస్థ కుదేలు..
ఈ కధంతా ముగిసాక మోపుతారు జనం పైనే భారాలు!!!

-మీ లక్ష్మి

పిచ్చి అని ఒకరంటారు..

వెర్రి అని ఒకరంటారు..

ప్రేమెందుకు దండగ అంటారు..

వారికేమి తెలుసు అది" దండగ" కాదు "పండగ"ని..

వారికేమి తెలుసు దానితోనే జీవితం "నిండుగా" ఉండునని..

(ఏమిటి ఒకదానిలో ప్రేమ ని తిట్టి మరో కవితలో పోగుడుతున్నాను అనుకుంటున్నారా?? మరి కవయిత్రి ని కదా..ఊహించి రాయటం..రాసి మీ మెప్పు పొందటం..ఇదే నాకు తెలుసు)

-మీ లక్ష్మి

"నాది" అని..
ఓ బంధాన్ని అనుకోటం..
తీరా ఆ బంధం బూటకం అయితే..
దేవదాసులు అయిపోటం..
పొందడిరరేయ్..
ప్రతివాడు ఆయన పేరు చెప్పేవాడే..
సీసా చేతబట్టటానికి ఆయన్ని వాడేస్కునేవారే!!!


-మీ లక్ష్మి

naadi" ani..
O badhaanni anukOTaM..
teeraa aa bandhaM booTakaM ayite..
devadaasulu ayipOTaM..
pondiraraey^..
prativaaDu aayana peru cheppevaade..
seesaa chetabattataaniki aayanni vaaDeskunevaare!!!


-mee lakshmi

"నేను" అనే అహంభావం లేకపోతే..
ఈ లోకాన గోదావలన్నవి ఉంటాయా??
సగానికి పైగా తగువులకి..
ఈ అహంభావమే పోస్తుంది ఆజ్యం..
ఏముంది??ఆ గొడవల్లో సంబంధాలు భోజ్యం!!

- మీ లక్ష్మి

"nenu" ane ahaMbhaavaM lekapOte..
ee lOkaana gOdaavalannavi unTaayaa??
sagaaniki paigaa taguvulaki..
ee ahaMbhaavame pOstuMdi aajyaM..
emuMdi??aa goDavallO saMbandhaalu bhOjyaM!!

- mee lakshmi

బంగళాలు కట్టారు..బాగుంది..
కాసులు పోగేసారు..బాగానే ఉంది..
మరి మిమ్మల్ని నమ్మిన జనం మాటో!!!
కాకేత్తుకెళ్లినదా???
ఏత్తుకెళ్ళినది మళ్ళి మరలి రాలేదని చెపుతున్నారా...
మంచిది..
ఎన్నుకున్నందుకు మాకు ఏమిటిట మిగిలింది??

.
.
రెపరెపలాడుతున్న పార్టీ ఝండాలు..
రాజకీయపు కుట్రలు కుతంత్రాలు..
పార్టీ ఫుండ్లు..
చివరికి మళ్ళి ఎన్నికలు!!!

-మీ లక్ష్మి

bangaLaalu kaTTaaru..baagundi..
kaasulu pOgesaaru..baagaane undi..
mari mimmalni nammina janaM maaTO!!!
kaakettukeLlinadaa???
ettukeLLinadi maLLi marali raaledani cheputunnaaraa...
manchidi..
ennukunnaMduku maaku emiTiTa migilindi??

.
.
reparepalaaDutunna paarTee jhanDaalu..
raajakeeyapu kuTralu kutaMtraalu..
paarTee fundlu..
chivariki maLLi ennikalu!!!

-mee lakshmi

నిలువ నీడ లేదు పాపం..
వీధులే ఉన్నాయి..
అవే ఆశ్రయం ఇస్తున్నాయి..
ఇంకేమి చేస్తారు..
అక్కడే నిదురించటం తప్ప..
ఆ వీధుల్నే అమ్మ ఒడిగా అనుకోవటం తప్ప..
..
అందరూ శ్రీమంతులు కారు..
స్థితిమంతులైన అందరూ హృదయం లో గొప్పవారు కారు!!!

-మీ లక్ష్మి

niluva neeDa ledu paapaM..
veedhule unnaayi..
ave aaSrayaM istunnaayi..
iMkemi chestaaru..
akkaDe niduriMchaTaM tappa..
aa veedhulne amma voDigaa anukOvaTaM tappa..
..
andaroo SreemaMtulu kaaru..
sthitimantulaina andaroo hRidayaM lo goppavaaru kaaru!!!

-mee lakshmi

మనకి మనమే అనుకున్నవన్నీ జరిగిపోతాయిలే అని అనేసుకుంటే....
దేవుదన్నవాడికి ప్రాముఖ్యత ఉండదేమో!!
మనిషే మరో బ్రహ్మ అవుతాడేమో!!
అందుకే...అనుకున్నవన్నీ మన వశం కావు..
అహంకారానికి ఇవ్వవు తావు!!

-మీ లక్ష్మి

transliteration : manaki maname anukunnavannee jarigipOtaayile ani anesukunTe....
devudannavaaDiki praamukhyata unDademO!!
manishe marO brahma avutaaDemO!!
anduke...anukunnavannee mana vaSaM kaavu..
ahaMkaaraaniki ivvavu taavu!!

-mee lakshmi

నోటిలోని మాట నోటిలోన ఉండగానే అయిపోతే..
చెప్పింది చెప్పినట్టే చేసేస్తే..
తా అంటే తందానా అని అంటే..
బాగుంటుందేమో..
సమ్మెలు గట్రా చేసేవారికి..
అడిగిందే తడవుగా ఇవ్వటానికి..
దబ్బులెమీ వొలిచిన అరటిపళ్ళు కావు..
సర్కారు వద్ద డబ్బు పూచే,కాసే వృక్షాలవీ లేవు...

..
సామరస్యం..
ఓరిమి..
పని తత్త్వం అలవరచుకుంటే మంచిదండోయ్!!!

-మీ లక్ష్మి

ఈ ఒకరోజు దీక్షలు
రెండు రోజుల దీక్షలు..
చేసే ప్రజా దీక్షాదక్షులకు..
నా మనవి ఏమనగా..
"దీక్ష కన్నాఉపవాసం అంటే బాగుణ్ణు"..
అర్థమయితే ఒకే..
లేకుంటే మాకే??
జనాలకి విసుగొస్తే నష్టం మీకే!!!

-మీ లక్ష్మి

ఆత్రేయగారు..
మీ రచన..మమ్మల్ని కట్టిపడేసింది..
సినీ లోకాన మీ మాయాజాలం వెల్లివిరిసింది..
మీరు గగనానికేగినా మీ పదాల వల మమ్మల్ని వదలను అంది..
మీరు ఏ లోకాన ఉన్నా..మీ రూపం మ గుండెలను వదలను అంది..
మీ పాటల రూపంలోఉన్నమీ స్మృతులు మమ్ములను వీడవు సుమండీ

-మీ లక్ష్మి

సినిమాలు చూసి..
ప్రేమంటే..
నాలుగు సినిమాలు..
పది రీఛార్జి వౌచర్లు..
కాఫీ షాపు లో కలుసుకోటాలు..
గంటలు గంటలు సోదేస్కోనటాలు..
అనుకునే అమాయకులకి..నా శ్రద్ధాంజలి!!!

- మీ లక్ష్మి

మాటలు నేర్చి..
ఉపన్యాసాలిచ్చి..
ఎవరినో ఉద్ధరించి..
ఎదో సాధించి..
పోడిచేసావనుకుంటే నీ పొరపాటే..
నాతో పోటీ ఒక ఆటేమీ కాదే..
పోరాడు...కానీ ముందునుండి..
చేస్తావే వెనకనుండి దాడి??

నోట్: ఏమి చేయలేక కక్ష సాధింపు చర్యలకు పాల్పడేవారికి ఈ వాక్యాలే ..నేను ఇచ్చే బదులు

- మీ లక్ష్మి

పదాలు ఎన్ని ఉన్నా..అమ్మ ప్రేమలోని లోతుని కొలవడం కష్టం..
నోరు తెరిచి "అమ్మ" అని ఆప్యాయంగా పిలవగలగటమే ఓ అదృష్టం!!

-మీ లక్ష్మి

బెయిలు అంగట్లో దొరికే సరుకైతే..
ఇక్కడ అమ్మేస్కుంటున్నారు..
వచ్చి కోనేస్కోండే!!!

-మీ లక్ష్మి

మామూలు మనిషి "తప్పు" చేస్తే అది తప్పుగానే మిగిలిపోతుంది..
ఒక పేరు మోసిన వ్యక్తి అదే తప్పు చేస్తే అది "తెగింపు" అనిపించుకుంటుంది..
.
.
నిజమే కదూ!!!

-మీ లక్ష్మి

బరువు..బాధ్యత..
రెండూ మాటలూ పర్యాయపదాల్లా కనిపిస్తాయి..
పరికించి చూస్తే వేరు అనిపిస్తాయి..
.
.
కష్టమైనా మోసేది బరువు..
ఇష్టంగా చేసేది బాధ్యత...

ఏదేమైనా.. రెండూ మనకి ఉండేవే!!

-మీ లక్ష్మి

కలలు కనాలని..
ఆ కలల్లో నిన్ను చూడాలని..
కన్నులు మూసుకుని..
అలా వాలిపోగానే..
వస్తావనుకుంటే..రాలేదేం???
బహుశా..నా నిజంలోకి రావడానికేమో!!
నా జీవనాన్ని పావనం చేయడానికేమో!!!

-మీ లక్ష్మి

గెలుపు దూరంగా ఉంది..
ఓటమి నేనే నీ దిక్కు అంది..
దానికి సాగిలబడతావా?
బాధపడుతూ కుర్చుంటావా??
సరి కాదు..
అది తగదు..
నీ మనసుని తట్టి లేపు...
కష్టపడే తత్త్వం నేర్పు..
ఆపై వచ్చును నీకు నేర్పు..
ఉండదిక నిట్టూర్పు..
ఇక విజయంతో చేయి కలుపు!!!

-మీ లక్ష్మి

ఎచ్చోటనో.
ఏ మూలనో..
దాగున్నావేమో కనపడకుండా..
పరవాలేదు నేస్తమా...
గుండెల్లో కూడా నీవే ఉన్నావు..
నీవెక్కడ నక్కినా..
నా గుండె అనే అద్దం లో ప్రతిబింబంలా కనిపిస్తావు!!!

-మీ లక్ష్మి

దోసిలి పట్టి..
కన్నీరు ఒడిసిపట్టి..
ఆ కన్నీటినే..ముత్యంలా పట్టి తెచ్చి..
నాకే ఇచ్చి..
ముత్యాలన్నీ రాల్చేయద్దే అని చెప్పి..
నా మోమున చిరునవ్వే విరబూయించి..
నా నవ్వే చూసుకుని మురిసిపోయావు..
..
నా నవ్వే నీకు సర్వస్వం కాబోలు!!!

-మీ లక్ష్మి

సంధ్యవేళ..ఆ సూర్యుని ఎరుపు
నీ కుంకుమ లో దాగుందేమో!!
నల్లని మబ్బుల ఆ నీలం..
నీ కురుల సౌందర్యం లో దాగిందేమో!!
ఆ ఇంద్రధనుస్సు నీ కనుబొమ్మై..
కోన చూపేదో నాటిందేమో!!
పారాడే సెలయేటి ఆ హొయలన్ని
నీ నడకలోనే ఒదిగాయేమో!!
ఆ పాల కడలిలోని శ్వేత వర్ణమే..
నీ మేని రంగై మెరిసేనేమో!!
ఎంతని పొగడను నిన్ను..
సరిపోదులే ఆ మిన్ను..
నీ సోయగాల మత్తులో సోలిపోయింది నా కన్ను..

-మీ లక్ష్మి

నోట్: ఒక ప్రియుడు వర్ణిస్తే ఎలా ఉంటుందో అలా ఊహించి రాయటం జరిగింది

వస్తువులకు..మనుషులకూ తేడా లేదూ!!
మరి రెండిటినీ ఒకేలా చూస్తారెందుకు??
వాడుకుపారేయటానికా???
అవునులే..ఎవరైతేనేమిటి??
ఏ వస్తువైతేనేమిటి..
పనికిరావాలి...
నీకు కలసిరావాలి..
వస్తువైతే..చెత్తబుట్ట కి అంకితం..
మరి మనిషో!!!


చెప్పండి సుమీ!!

-మీ లక్ష్మి

పిల్లలు..మీ కంటి పాపలు..
మీ తేజస్సు ఇముడ్చుకున్న దివ్వెలు..
అది మరిచారా ..తల్లిదండ్రుల్లరా??
సంపాదన..మీ సంశోధన..
తెలుసును..
ఏ లోటు రారాదని..మీ తపన..
తెలుసును..
కానీ పిల్లలతో ఒక క్షణమైనా గడపరేం??
వారి మనసుల్లోకి తొంగి చూడరేం??
పరిశీలించండి.. వారి ఆవేదన కనబడుతుంది..
పసి హృదయాల సంఘర్షణ తెలుస్తుంది...

-మీ లక్ష్మి

ఎవ్వరో నీవు??
అందెల అలికిడి వినిపించి..
కలవరమే కలిగించి..
జీవితంలోనికి వచ్చేశావు..
మరి ఆలస్యం దేనికని??
స్నేహమై అల్లుకుని..
ఓ బంధమై పెనవేసుకుని..
ఉండిపో కలకాలం తీయని గురుతువై..
మైత్రి అనే బాటలోన నడిచే ఓ తోడువై


-మీ లక్ష్మి

నిన్ను తిట్టానో..నా మది బాధపడుతుంది..
నిన్ను కసురుకున్నానో.. నా మనసు నొచ్చుకుంటుంది...
ఎందుకనుకుంటున్నావు నేస్తమా??
నీవు నేను వేరు కాదు..
నిను నిందించటం నాకు పాడి కాదు..
కానీ..నీ మంచి కోరి అనేసుంటానులే..
నీ మంచి మనసు నన్ను క్షమిస్తుందిలే..
ఆ నమ్మకమే మన స్నేహాన్ని నిలుపుతుందిలే..

-మీ లక్ష్మి

అతిథివి కాదు నువ్వు..
వదలదు నను నీ నవ్వు...
వచ్చి అలా వెళ్ళిపోయావేం..
ఈ హృదయం లోన స్థానం నీదే ఏనాటికైనా..
చిరకాలం ఉండాలి నువ్వు నాతో ఓ మైనా!!

-మీ లక్ష్మి

పొద్దున్నే వార్తాపత్రికలా..
ఓ చెడు వార్త పలుకరిస్తే..
"దేవుడా నాకెందుకీ కష్టాలు?" అంటాం..
మొరపెట్టుకుంటాం..
మరి ఓ చక్కటి కాఫీలా ఓ మంచి కబురు వచ్చి చేరుకుంటే...!!!!
దేవుడికి కృతజ్ఞత తెలుపలేము..
ఆయన్ని మరచిపోతాము..
..
చూశారా.. మంచికైతే దేవుడు అక్కరలేదు..అక్కరకి రాడు
చెడు జరిగినచో ఆ దేవుడే కారకుడు..
..
మనిషి నిందలకు అంతు లేదు సుమీ!!
దేవుడా మాపై కోప్పడకు..
నిందాస్తుతి అనుకో ..మమ్మల్ని క్షమించేసుకో!!!

-మీ లక్ష్మి

నోట్: ఎవ్వర్నీ ఉద్దేశించి రాయలేదు అని మనవి

నీ అందం జాడ వెతుక్కుంటూ..
నే తిరిగా బాటసారిలా..
ఓడిపోతనేమో అనుకున్నా...
పడిపోతానేమో అనుకున్నా...
ఇంతలో ఓ వెలుగులా..
ప్రసరించావే నా గుండెపై..
నీ ప్రేమలో తలమునకలై..
ఓడిగానే పసి పాపనై...
ఇలాగే ఉండిపోతా జన్మంతా...
నే నీలో ఇక కలగలిసిపోతా..

- మీ లక్ష్మి

జీవితం అవకాశాలు ఇస్తే తీసుకో...
వాటి అంతే చూసుకో...
పూర్తిగా వినియోగించుకో...
ఋతువుకోసారి  పండే పంటలల్లే..
మళ్ళి మళ్ళి రావుగా..
జారివిడుచుకుంటే నీకే హాని గా..
మరి..పరుగిడు తడబడకుండా..
అవకాశాల దారిగుండా!!!

-మీ లక్ష్మి

మీడియావారు..
మీరు బాధ్యతగాలవారు..
మీ అంతటి వారు..
మమ్మల్ని చేస్తారే బేజారు???
వస్తారు..లేని పోని ప్రశ్నలు వేస్తారు..
మీరే సమాధానాలు అనేసుకుంటారు...
టీవీ లో ఏవేవో చూపిస్తుంటారు..
మీ పనేమిటో మరచిపోతారు..
మీ కార్యం విస్మరిస్తారు..
..
అందుకే నే గురుతు చేస్తా...........

సర్కారు ని మేల్కొలపాలి..
బాధితుల్ని ఆదుకోవాలి..
నిజాన్నే చూపించాలి..
ఇలా ఇంకెన్నో చేయాలి
నిబద్ధత మీకుండాలి..
..
గుర్తొస్తే ఈ విధంగా ముందుకి వెళ్ళండి..
లేదంటే అలవాటేగా ..................మమ్మల్ని సావగొట్టండి!!

-మీ లక్ష్మి

ఊహల్లో నే బతకను..
అవి నిజం కాదు కనుక...
అవి ఏరొజూ నిజం కాజాలవు కనుక...
కాని మనసు పిచ్చిది కనుక..
అప్పుడప్పుడూ ఊహల వైపు తొంగి చూస్తుంది..
నిజమవుతాయని కలగంటుంది..
..
వెర్రి మనసుకేం తెలుసు??
ఊహలు ఊరిస్తాయని..
అలా ఊరిస్తూనే ఉంటాయని..

మన మనసులు ఇలాగే కలవరపడుతూ ఉంటాయి!!!



- మీ లక్ష్మి

జీవితం..
నీవే జీవితం ..
అనుకొని వచ్చా..
నీ తోడై నిలిచా...
నా నుదుట కస్తూరిలా..
నీవుంటానంటే చాలు..
నేను కోరను ఇంక ఏ కోరికలు!!!

-మీ లక్ష్మి

నా నుదుట కుంకుమ నీవు..

నా కనుబొమ్మలు గీసే చిత్రం నువ్వు..

నా మూగ మనసు పాడే మధురమైన రాగం నువ్వు..

నా పాదం ఆడితే..ఆ నాట్యం నువ్వు..

నా పెదవి అరమోడ్పు గా నవ్వితే..ఆ నవ్వే నువ్వు..

నా సిగ్గులోన దాగుంది నువ్వు..

నా చేయి అందుకునే హస్తమే నువ్వు..

నను నడిపించే మార్గదర్శివి నువ్వు..

నా గమ్యం నువ్వు..

నా ఇహం నువ్వు..

నా పరమూ నువ్వు..

మొత్తంగా నేనే నువ్వు!!!

- మీ లక్ష్మి

ప్రేమించే ప్రతి ఆడపిల్లకి నా ఈ కవిత అంకితం

నీ దగ్గర మూడు ఉంటే..
చకచకమని..
బిరబిరమని..
పరుగులెత్తి వస్తారు...
ఏమిటంటే........................
ఒకటి టాలెంటు..
రెండు డబ్బు
ఆఖరుది నీ విజయాలు!!!
ఇవి లేకుంటే..
మనం పట్టము...
వేరే వారికి గిట్టము...!!!

-మీ లక్ష్మి

నా కన్నీరు తుడుస్తానని..
వాగ్దానం చేసి..
నీవే నా కన్నీటికి కారణమయ్యావా??
నా కంట్లో నలుసు పడనివ్వనని..
నా కంట్లో నలుసువి నువ్వే అయ్యావా??
నీ మాటను భలే నిలబెట్టుకున్నావే!!!
తుడవటానికే..అలా కన్నీరు పెట్టించావేమోనని అనుకోనా??
మరి ఏమనుకోను.??
నిన్ను ఏమనగలను??


- మీ లక్ష్మి

చదువే వ్యాపారం..
అందుకే చదువు రాని వాడు కూడా..
అద్భుతంగా..
అమోఘంగా..
పాఠశాలలు, కళాశాలలు పెట్టేసి..
సంపాదించేస్తున్నారు..
నాలుగు రాళ్ళు వెనకేస్తున్నారు..
ఏమి దారి కనిపెట్టార్రా..డబ్బు సంపాదనకి..
అమాయక ప్రజల లూటీకి!!

-మీ లక్ష్మి

మీ మతం మీకు ముద్దయితే..
పరవాలేదు..
వాటిని అనుసరించండి..
కాని హద్దు మీరి..
మా హిందూ మతపు పునాది రాళ్ళను..
పెకలించాలనుకోకండి...

మీ మతాలని మేము గౌరావిస్తాము
మా మతమును మీరు గౌరవించండి..
మతాల ఐక్యతను కాపాడండి..

- మీ లక్ష్మి

సింహాద్రి అప్పన్న..
తిరుపతి వెంకన్న..
బెజవాడ కనకదుర్గ..
మనకి కష్టం వస్తే పై దేవుళ్ళకి చెప్పుకుంటాం..
కానీ ఈసారో!!!
మనము నమ్ముకునే దేవునికే నమ్మక ద్రోహం..
పవిత్ర దేవళం..అవుతోంది అపవిత్రం..
భగవంతుని కాసారం లో అన్యమత ప్రచారం..
రేగుతోంది దుమారం..
..
కట కటా..
కలియుగమని నిరూపిస్తున్నారు...పాపాత్ములు
వారికి తోడు ఈ ఈఓ లు..
ఇంకెన్ని చూడాలో ఇలాంటి ఘోరాలు!!

- మీ లక్ష్మి

POST BY ABHI.K

పల్లవి పలు మార్లు పలకరించి పులకరించినట్లుగా

మంచు బిందువులతో మకరందం సేవిస్తున్నట్టు గా

మల్లె కన్నా తెల్లనైన మీ మనసు యొక్క తళుకులుగా

పరవసించి నాట్యమాడే మయూరముల పురుల గాలిగా 

నీ వెచ్చని శ్వాసతో చలిమంట కాసుకుంటున్నట్లు గా

చల్లని చందమామ వెలుగులో పుచ్చపూలు ఆరేసినట్టు గా

జీవితము అనే నా పుస్తకమకు లో అన్ని పేజీలు నీవే

నీ అధరాలపై మెరిసిన సన్నని చిరునవ్వులో ఎప్పుడూ

జీవించాలి అని ఆశ పడుతూ ఆరాట పడుతూ

నీ రాక కోసం నా మనసు నుంచి నీకు ఎర్ర తివాచి పరుస్తున్నా...

కావాలి అని కనిపించిన ప్రతి భగవంతుని ప్రతిమని మొక్కి

అందుకో ఈనా కవితా సంపత్తిని పద్మాలువంటి నీ పాదాలచెంత ఉంచుతున్నా...

BY ABHIRAM KHANDAVILLI :)

నీ కంట కన్నీరు వస్తే..
నా కన్ను చమరుస్తుంది..
నీ నీడై బాధ వెంటాడితే..
నీ తోడై నా ధైర్యం వస్తుంది..
నీకేదో కష్టం వస్తే..
ఇష్టంగానే నా మనసు దాన్ని తీరుస్తుంది..
ఓ చిన్న కలత నీ చెంత చేరితే..
నా చేయి ఆ కలతల్ని చెరిపేస్తుంది..
ఇక నీ పయనం తుది వరకు సాగుతూ ఉంటే..
నా అడుగు నీ వెంటే వస్తుంది...
నీ ఆత్మ పరమాత్మలో చేరేలోపే..
నా ఆత్మ అందున మమేకం అయిపోతుంది..
స్వర్గానికి మన ప్రేమే చేరుతుంది!!!


- మీ లక్ష్మి

జంతుజాలానికి ఉన్న బుద్ధి..
మనిషికి ఉండదేమో!!!
అందుకే లేనిపోనివి అంటుంటాడు..
చేయకూడనివి చేస్తుంటాడు..
మరి పరిణితి కలిగినోడు మనిషి అని ఏల అందురు??
ఆలోచనా శక్తి ఉండి కూడా..
జంతువు కన్న హీనముగా ఎందుకు మారెదరు??

..
మనని పుట్టించిన ఆ దేవుని అడగాలా??
లేక మనని మనమే ప్రశ్నించుకోవాలా???

-మీ లక్ష్మి

పాటల కూర్పుకి..
కావాలి ఎంతో నేర్పు..
అనిపించేది ఒకనాడు...
ఇపుడు అనిపించేది అది కాదు..
పక్కవాడి ట్యూన్ దొబ్బేసి..
చేసిన ట్యూన్ మళ్ళి చేసి..
స్వరాలు రాని వెధవలుగా..
జనాలని లెక్క కట్టేసి..
దోబూచులాడేసి..
గట్టేక్కేస్తున్నారు!!!

వహ్ వాహ్...టాలెంటుకి లేదే కరువు..!!!

-మీ లక్ష్మి

ఆదర్శంగా తీసుకుంటారో..బాగుందిగా వాడేసుకుందాం అనుకుంటారో గానీ..పక్కోడి సరుకు..మన దగ్గర బాగానే దొరుకు!!!యే రంగమైనా..ఏమాత్రం లేదు మనవారికి బెరుకు..కాపీ అంటే ఒప్పుకోరు.. మరి ఏం చేస్తాం వారి ఆలోచనల గదులు ఇరుకు..ఒప్పుకునేందుకు అక్కడే వస్తుంది వారికి చిక్కు!!!-మీ లక్ష్మి

మనసు రోదన పట్టదు ఎవ్వరికీ..
పైకి ఉబుకుతున్న కన్నీరు చూస్తారు..
మనిషే కన్నీరు పెడుతున్నాడనుకుంటారు..!!
కాదు సుమా..
అది మనసు యొక్క అరణ్య రోదన..
ఎవరైనా కనుగొంటారేమో అనే దాని అన్వేషణ..
......
ఈ శరీరపు తోలుతిత్తి కనపడును గాని..
గుండెలో ఉన్న వేదన ఎవరు చూసెదరు??
ఎవరు ఆ బాధను దాని నుంచి వేరు చేసెదరు???



- మీ లక్ష్మి

బంధనాలు..
బంధుత్వాలు..
అన్నీ హుష్ కాకి అంటాయి..
ఎప్పుడో తెలుసా??
మనీ కోసము..
రుక్కం కోసము..
నగదు కోసము,..
ఏమిటి??
మూడు సార్లు చెపుతోంది...అనుకుంటున్నారా!!!
నిజమేనండోయ్...ఎన్ని సార్లు చెప్పుకున్నా తక్కువే మరి..
డబ్బు విలువ చాలానే మరి...
ఎన్ని భాషలున్నా ..మనీ భాష పలుకుతుంది..
అదే లోకాన్ని ఏలుతుంది,..



-మీ లక్ష్మి

పార్కుల వెంబడి తిరిగితే..
ప్రేమ పుడతదో లేదో గానీ..
కాళ్ళు నెప్పులు పుడతాయి..
ఓ కూల్డ్రింకు రెండు స్త్రాలంటే..
ప్రేమో ఏమో తెలియదు గాని..
పైత్యమైతే అవుతుంది..
ఎగబడి సినిమాలు చూస్తే..
ప్రేమ బలపడుతుందో లేదో గానీ..
చిల్లర మాత్రమే మిగుల్తుంది..
అన్నీ మరచి వెంట తిరిగితే..
ప్రేమ పెళ్లి దాకా వెళుతుందో లేదో గానీ.
నీ నాశనం మాత్రం నీ వద్దకి వస్తుంది..
నాసనమయిపోమంటూ..సెటిల్ అయిపోతుంది..
..
కాబట్టి ఓ బాసూ..
ప్రేమించు..కానీ పిచ్చోడవకు..
జేబుకి చిల్లు పడనివ్వకు..
దిల్లుని దిగాలుమనిపించకు



-మీ లక్ష్మి

నీ చెలి..
నీ ఆలి..
నీ తల్లి..
నీ చెల్లి..
అందరూ ఆడవారే..
ఇంతమంది ఆడారు కావాల్సొచ్చారే!!
మరి కూతురు ఎందుకొద్దు మాష్టారు..
ఇంకో మగవానికి అండా దండా వద్దా మరి??
మరీ ఇంత స్వార్థం అయితే ఎట్టా మరి??
మగజాతికి నువ్వు చేసే అన్యాయం కాదా ఇది??
..చెప్పుము ఓ మగజాతి ఆణిముత్యమా!!!


-మీ లక్ష్మి

పెళ్ళయ్యాక ఎలాగూ వంటింటి కుందేలుని..
ఇప్పుడెందుకు నాకు అస్థిత్వం.??
అనుకునే ఓ ఆడాళ్ళారా!!
దేవతల్ని పూజించడమే కాదమ్మా..
వారి చరిత్ర తెలుసుకోండమ్మా!!!
వీర నారులని ఒకరిని ఆరాధించడమే కాదమ్మా...
మీలొనూ వీరత్వం దాగుందని తెలుసుకోండమ్మా!!!


నోట్: ఆ వీరత్వం సరిగా వాడుకొండే!!! ( అతిగా బల ప్రయోగం బాగోదు )

-మీ లక్ష్మి

చావు ఆ ఒడ్డు..
పుట్టుక ఈ ఒడ్డు..
మధ్యన నడిసంద్రం..
మన బ్రతుకు..
ఈదు..తుది వరకు..
ఆ ఒడ్డు కి చేరేవరకు..
అంటే..మరణించే వరకు
...
ఇక మునక ..చావే అంటావా??
కాదురా..అది కేవలం ఓ పరీక్ష రా!!!
మునుగుతావు..మళ్ళీ పైకి తేలతావు...
చావుని చేరేదాకా అలా మునకలేస్తూ..
పైకి తేలుతూ ఉంటావు..
..
చివరకి ఈది ఈది..
ఆ ఒడ్డు కి చేరతావు..
మరణానికి లొంగుతావు



- మీ లక్ష్మి

ఎవరైనా..
ప్రశ్న వేయాలంటే..
అర్హత ఉండాలి..
అది లేక ప్రశ్నకి మూల్యం ఉండదు..
ప్రశ్నించేవానికి విలువా ఉండదు..
అప్పుడు జవాబు కోరరాదు..
నా నోటివెంట సమాధానమూ రాదు..


-మీ లక్ష్మి

సోది మాటాడితే..
వేగిరమే జాబు ఇచ్చే.
జనాలుంటే..
మంచి ఇసయం (విషయం) సెప్పే ..
నాలాంటోళ్ళ మాట ఎవరింటారు??
సెవిని ఓ పాలి ఇటు పడేసి..
నా బాస ఎందుకింటారు??
అయినా సేప్తనే ఉంటా..
మీ గుండెల్లోకి నే సేరుకుంటా!!!

- మీ లక్ష్మి

పరిష్కరించుకోటానికి ఎన్నో సమస్యలుంటే..
అవి పక్కనెట్టి..
ఎగుడు దిగుడు మాటలాడి..
ఏదో పొడిచేట్టు..డబ్బా కొట్టి..
ఏమి సేయక .. డాబుకు పోయే..
నాయకులు ఎందరో..
మరి వారు నిజమైన నాయకులేటి??
మన ఓటు బుగ్గిపాలేనేటి??

- మీ లక్ష్మి

మార్కులు..
అవొక్కటే కాదు కొలమానం..
...
అవి బంధాలను నిలబెట్టవు..
నీకు ప్రపంచాన్ని గెలిచిపెట్టవు..
కేవలం ఆత్మవిశ్వాసాన్ని ఇస్తాయి..
అవి కాక ముఖ్యమైనవి ఇంకెన్నో ఉన్నాయి..

..ఎన్ని మార్కులు సంపాదించినా..
పొంగిపోకు..
లేక ఇంకా రావాలే!!!! అని కుంగిపోకు

ధైర్యంతో ముందుకెళ్ళు..
విజయా తీరానికి ఎదురెళ్ళు..

- మీ లక్ష్మి

ఇంటర్లో ఉత్తీర్ణత సాధించిన అందరికీ నా శుభాభినందనలు

ఇపుడే ఒక పోస్ట్ చూస్తే..
జ్ఞప్తికి వచ్చించి..
కాపీ రాయుళ్ళు ఉంటారని..
మన భావనలను..
మనసులోంచి ప్రవహించే ఆలోచనలను..
కొట్టేస్తారని..
కాపీ కొట్టేస్తారని
తిములైనుల్లో నిక్షిప్తం చేసేస్తారని..
..
కలం లో ప్రాణం నింపి రాసిన వారి మాటేమిటి??
వారి ఆవేదన సంగతేమిటి..
..
ఎవరికీ పట్టదు..
ఎవరి కంటా పడదు

-మీ లక్ష్మి

చదవేస్తే ఉన్న మతి పోయింది..
అన్నారు ఆనాటి పెద్దలు..
అది నిజం చేస్తున్నారు ఈనాటి పెద్దలు..
భూకంపాలకి, తుఫానులకి..
ఎవరినో బాధ్యులని చేస్తుంటే..
అవన్నీ మనం చూస్తుంటే..
పైన చెప్పింది నిజమనిపిస్తోంది కదూ!!

-మీ లక్ష్మి

మంచి చెబితే..
వేదాంతం..!!!
చెప్పకపోతే...
బాధ్యతారాహిత్యం..
అన్నీ మీరే చెబితే..
ఇక మేమెందుకు??
మా మనస్సాక్షి ఎందుకు??
..
మీరు చెప్పలేనపుడు..
మేము చైతన్యపరుస్తున్నపుడు..
మీరు అవహేళన చేయడమెందుకు??

బహుశా సంకుచితత్వానికి ఇదే నిదర్శనమేమో!!!

-మీ లక్ష్మి

కొందరి వ్యక్తిత్వాన్ని కొలవడానికి..
కొలమానం ఉండదు..
కేవలం ఆ వ్యక్తి వ్యక్తిత్వాన్ని మనం "కొలవగలం" (worship)..
దాని లోతుని కొలవలేము..

- మీ లక్ష్మి

"వయసుకి తగ్గ మాటలాడు"..
అందరూ ఇచ్చే సలహా అదే..
అది కొంతవరకు ఉచితమే..
అయితే..ఉచితమైన విషయం..ఉచితంగా చెప్తుంటే..
ఉచితంగా వినడానికి..
జనాలకి రోగమో!!
లేక వారి చెవులకు పట్టింది తుప్పో..!!
తెలియడంలా....!!!
ఎవరైనా వివరించరూ...!!!

-మీ లక్ష్మి

నీవు..నీవే..
ఎవరో చెప్తే.." మారాలి..
మారి నిరూపుంచాలి" ..
అని అనుకుంటావేమో!!
మారటం మంచికే అయితే..
ఎవరో చెబితే కాదు..
నీలోనే మార్పు ఉదయించాలి..
ఆ కిరణాలు ప్రపంచాన్నే మార్చాలి..!!

- మీ లక్ష్మి

ఉదయాన్నే వచ్చే దిన పత్రికలో....
వచ్చే వార్తల్లా ...
పగటి పూట పలకరించవూ!!!
తేనీరులా  నోటికి అంది..
రుచిని అందించవూ!!!
రోజంతా నాతో ఉండే..
నా నీడలా మారవూ!!!
రాత్రి వేళ వెన్నెలవై..
పరవశింపచేయవూ!!
ఇలా ప్రతి రొజూ నాకే సొంతమై..
నాతో జన్మంతా ఉండిపొవూ!!!

- మీ లక్ష్మి