కలలా ఉన్నావు...
నిజమెప్పుడవుతావో!!
అల లాంటి నీవు...
తీరమంటి నన్నెప్పుడు చేరుతావో!!
బీజమై ఉన్నావు...
నా హృదయంలో ఎప్పుడు చిగురిస్తావో!!
విడి విడి పదాలుగా ఉన్నావు...
నా కవనమెప్పుడవుతావో!!
ఆకాశానివై ఉన్నావు...
ప్రేమ జల్లై ఎప్పుడు వర్షిస్తావో!!
దూరమై ఉన్నావు...
దగ్గరెప్పుడవుతావో!!
ఒంటిగా ఉన్నావు...
నన్ను కూడి..
నాలో సగమెప్పుడవుతావో!!
నాకెప్పుడు పూర్ణత్వాన్నిస్తావో!!
- మీ లక్ష్మి
No comments:
Post a Comment