నువ్వే నేను

నిజానికి..
నువ్వే నేను..
ఏ రోజూ వేరని అనను..
విడి విడి మనుషులమన్న భావన ఎప్పుడూ రానీను..
ఆ ఊహే లోలోన నన్ను దహించివేసేను..
నీ కంటిని చిన్ని నలకైనా ఇబ్బంది పెడితే.. ఆ ఇబ్బంది సైతం నాదనుకుంటాను..
కలతేదైనా నీలో నిరాశ అనే తుఫాను సృష్టిస్తే.. దానికి కూడా నేనే ఎదురొడ్డేను..
దూరమున్నా చెంతనున్నా..
ఇల అయినా కల అయినా..
నువ్వే నేను..
అనుమానంగా ఉందా??
నీ మనసును అడుగు..
నన్నే నాకు చూపుతోన్న నీ కంటి పాపను అడుగు..
నీలో ఏ మూలో దాగున్న మన ప్రేమను అడుగు..
మనము ఒకటంటాయి..!!
ఒక్కరుగా మారిన ఇరువురు భిన్న ధృవాలు మనమంటాయి!!