వారి కోసం జీవిస్తున్నావు..
వారి ఆశలకి ఊపిరినిస్తున్నావు..
వారి తప్పులని కాస్తున్నావు.. ఒప్పుల్ని మోస్తున్నావు..
వారి భారాలకి తేలికతన్నాన్ని ఇస్తున్నావు..
వారి కన్నీళ్ళకి కష్టాలకి అంతం నీవే అవుతున్నావు..
వారి నవ్వుల పువ్వులను నీరోసి పెంచుతున్నావు..
వారి కలలకి నిజాన్ని పరిచయం చేస్తున్నావు..
వారి భవిష్యత్తుకు వారధి నీవవుతున్నావు..
వారి లక్ష్యానికి వారికి ఉన్న దూరం కూడా తరిగిస్తున్నావు..
వారికై అన్ని నీవే చేస్తున్నావు.. అన్నీ నీవవుతున్నావు..
..
..
మరి నీకెవరున్నారో..!!
నీకు తోడెవరున్నారో..!!
నీ మంచి చెడ్డల్ని చూసేందుకు ఎవరున్నారో..!!
నిన్ను నిన్నుగా చూసేందుకు ఎవరున్నారో..!!
ఇతరుల కోసం నీవు కోల్పోయిన నిన్ను నీకు తిరిగివ్వడానికి ఎవరున్నారో..!!
- మీ లక్ష్మి
No comments:
Post a Comment