ఏదీ శాశ్వతం కాదని..
అంతమనేది అన్నటికీ తథ్యమని..
తెలియనిదెవ్వరికి??
అయినా కోరికలు చావవు..!!
ఆశల పల్లకీలో ఊరేగుతూ..
అన్నిటిపై ప్రేమలు పెంచుకొంటూ..
తిరిగే జీవుల వాంఛలకి హద్దులుండవు..!!
జీవితంలోకి ఒకరు రాగానే..
వారితోనే అంతం చూడాలనుకుంటారు..!!
ఆ ప్రయాణం ఎంత వరకో..
ఆ మజిలీ ఎక్కడి వరకో..
తేల్చే శక్తి వేరే ఉన్నదని..
ఎరుకలేనిది ఎందరికి..??
అయినా మంకుపట్టు వీడరు..!!
నా రాత నేనే రాస్తానంటారు..!!
అవివేకం పొరలు కప్పితే..
మనిషికి విచక్షణ తప్పెనేమో..!!
అన్నీ నాతోనే.. "కడ" అనేది ఎరుగకనే ఉంటాయన్న భ్రమ ఎప్పటికీ వీడదేమో..!!

- మీ లక్ష్మి